-
အီရန်စစ်ပွဲကြောင့် ထိုင်ဝမ်သို့ လက်နက်ရောင်းချမည့်အစီအစဉ်ကို ‘ယာယီရပ်ဆိုင်း’ ထားကြောင်း အမေရိကန်ရေတပ်အရာရှိ ထုတ်ပြော
မေလ ၂၂ ရက်၊ ၂၀၂၆ ခုနှစ် | Burma Independent Voice အီရန်စစ်ဆင်ရေးတွေမှာ အမေရိကန်စစ်တပ်အတွက် လုံလောက်တဲ့ ခဲယမ်းမီးကျောက် ဖြည့်ဆည်းနိုင်ဖို့အတွက် ထိုင်ဝမ်သို့ လက်နက်ရောင်းချမည့် အစီအစဉ်ကို “ ယာယီရပ်ဆိုင်း” ထားကြောင်း အမေရိကန် ရေတပ်အတွင်းရေးမှူး (ယာယီ) က ကြာသပတေးနေ့မှာ ထုတ်ဖော်ပြောကြားလိုက်ပါတယ်။ ထိုင်ဝမ်က လက်နက်ဝယ်ယူရန် ဒေါ်လာ ၁၄ ဘီလီယံတန်ဖိုးရှိ လက်နက်အရောင်းအဝယ် ကိစ္စနဲ့ ပတ်သက်ပြီး လွှတ်တော်ကြားနာပွဲတစ်ခုမှာ မေးမြန်းရာ၌ ရေတပ်အတွင်းရေးမှူး (ယာယီ) ဟုန်ချောင်း က “Epic Fury စစ်ဆင်ရေးအတွက် လိုအပ်တဲ့ ခဲယမ်းမီးကျောက်တွေ အပြည့်အဝရှိနေစေဖို့ လက်ရှိမှာ ကျွန်တော်တို့ဘက်က ခေတ္တရပ်ဆိုင်းထားတာ ဖြစ်ပါတယ်၊ တကယ်တော့ ကျွန်တော်တို့မှာ လက်နက်တွေ အလုံအလောက် ရှိနေပါသေးတယ်”…
-
ပိုလန်နိုင်ငံသို့ အမေရိကန်စစ်သည် ၅,၀၀၀ ထပ်မံစေလွှတ်မည်ဟု သမ္မတ ဒေါ်နယ်ထရမ့် ထုတ်ပြော |
မေ ၂၂ ရက်၊ ၂၀၂၆ ခုနှစ် | Burma Independent Voice အမေရိကန်ပင်တဂွန်စစ်ဌာနချုပ်က ပိုလန်နိုင်ငံသို့ စစ်သည်အင်အား ၄,၀၀၀ စေလွှတ်မည့် အစီအစဉ်ကို ဖျက်သိမ်းကြောင်း ကြေညာခဲ့ပြီးနောက် တစ်သီတင်းပတ်အကြာမှာပဲ ပိုလန်သို့ အမေရိကန်စစ်သည် ၅,၀၀၀ ထပ်မံစေလွှတ်သွားမည်ဖြစ်ကြောင်း အမေရိကန်သမ္မတ ဒေါ်နယ်ထရမ့်က ပြောကြားလိုက်ပါတယ်။ သမ္မတ ထရမ့်က သူ့ရဲ့ Truth Social လူမှုကွန်ရက်စာမျက်နှာမှာ ရေးသားခဲ့ရာမှာ အခုလို ဆုံးဖြတ်ချက်ဟာ ပြီးခဲ့တဲ့နှစ် သမ္မတရွေးကောက်ပွဲအတွင်း သူကိုယ်တိုင် ထောက်ခံပေးခဲ့တဲ့ ပိုလန်သမ္မတ ကာရိုလ် နာဗရော့စကီး နဲ့ အမေရိကန်တို့အကြား ရှိထားတဲ့ ရင်းနှီးတဲ့ ဆက်ဆံရေးအပေါ် အခြေခံပြီး ဆောင်ရွက်ခဲ့တာလို့ ဆိုပါတယ်။ သို့သော်လည်း ယခုထပ်မံစေလွှတ်မယ့် စစ်သည်အင်အားဟာ ယခင်က လျာထားခဲ့တဲ့ စစ်ဆင်ရေးအစီအစဉ်ထဲကလား…
-
အီရန်အနေနဲ့ ကမ်းလှမ်းချက်အသစ် မတင်သွင်းရင် အရင်ကထက် ပိုပြင်းထန်တဲ့ တိုက်ခိုက်မှုတွေနဲ့ ရင်ဆိုင်ရမယ်လို့ ထရမ့် သတိပေး
မေလ ၁၈ ရက်၊ ၂၀၂၆ ခုနှစ် | Burma Independent Voice အမေရိကန်သမ္မတ ဒေါ်နယ်ထရမ့်က အီရန်နိုင်ငံအတွက် “ အချိန်နာရီတွေ ကုန်ဆုံးနေပြီ” လို့ Axios သတင်းဌာနနဲ့ ဖုန်းကနေတစ်ဆင့် ပြောကြားလိုက်ပြီး၊ အီရန်အစိုးရအနေနဲ့ ပိုမိုကောင်းမွန်တဲ့ သဘောတူညီချက် ကမ်းလှမ်းချက်မျိုး ယူဆောင်မလာဘူးဆိုရင် “ အခုထက် အဆပေါင်းများစွာ ပိုမိုပြင်းထန်တဲ့ ထိုးနှက်ချက်တွေနဲ့ ရင်ဆိုင်ရလိမ့်မယ်” လို့ သတိပေးလိုက်ပါတယ်။ အမေရိကန်အရာရှိတွေရဲ့ အဆိုအရ သမ္မတ ထရမ့်ဟာ စစ်ပွဲကို အဆုံးသတ်ဖို့ သဘောတူညီချက်တစ်ခု ရချင်နေတာ ဖြစ်ပါတယ်။ ဒါပေမဲ့ အမေရိကန်ဘက်က တောင်းဆိုချက်အတော်များများကို အီရန်ဘက်က ပယ်ချနေတာအပြင် သူတို့ရဲ့ နျူကလီးယားအစီအစဉ်နဲ့ ပတ်သက်လို့ သိသာထင်ရှားတဲ့ လိုက်လျောမှုမျိုး လုပ်ဖို့ ငြင်းဆန်နေတာကြောင့် အမေရိကန်အနေနဲ့…
-
ဒရုန်းနဲ့ တိုက်ခိုက်ခံရမှုကြောင့် ယူအေအီး နျူကလီးယားစက်ရုံအပြင်ဘက်မှာ မီးလောင်မှုဖြစ်ပွား
မေလ ၁၈ ရက်၊ ၂၀၂၆ ခုနှစ် | Burma Independent Voice ပြီးခဲ့တဲ့ တနင်္ဂနွေနေ့က အဘူဒါဘီ ရှိ နျူကလီးယားဓာတ်အားပေးစက်ရုံအနီးမှာ ဒရုန်းနဲ့ တိုက်ခိုက်ခံရမှုကြောင့် မီးလောင်မှုတစ်ခု ဖြစ်ပွားခဲ့ကြောင်း အာဏာပိုင်တွေက သတင်းထုတ်ပြန်ပါတယ်။ ဒီဖြစ်စဉ်ကြောင့် လူထိခိုက်ဒဏ်ရာရတာမျိုးမရှိသလို ရေဒီယိုသတ္တိကြွမှုအဆင့်အပေါ် သက်ရောက်မှုလည်း မရှိဘူးလို့ ဆိုပါတယ်။ ယူအေအီး (UAE) ကာကွယ်ရေးဝန်ကြီးဌာနရဲ့ အဆိုအရ အနောက်ဘက်နယ်စပ်ဘက်ကနေ နိုင်ငံအတွင်းကို ကျူးကျော်ဝင်ရောက်လာတဲ့ ဒရုန်းသုံးစင်းထဲက တစ်စင်းဟာ အယ်လ်ဒါဖရာ ဒေသမှာရှိတဲ့ ဘာရာကာ နျူကလီးယားဓာတ်အားပေးစက်ရုံရဲ့ အတွင်းစည်းအပြင်ဘက်က လျှပ်စစ်မီးစက်တစ်ခုကို ထိမှန်ခဲ့တာဖြစ်ပါတယ်။ လက်ရှိမှာ တိုက်ခိုက်မှုရဲ့ မြစ်ဖျားခံရာကို သိရှိနိုင်ဖို့ စုံစမ်းစစ်ဆေးမှုတွေ လုပ်ဆောင်နေပါတယ်။ ယူအေအီး သမ္မတရဲ့ အကြံပေးပုဂ္ဂိုလ် အန်နဝါ ဂါဂတ်ရှ် ကတော့ ဒီတိုက်ခိုက်မှုဟာ…
-
ကမ္ဘာ့ဖလား ပြင်ဆင်မှုတွေအတွက် ဖီဖာနဲ့ ‘အပြုသဘောဆောင်တဲ့’ ဆွေးနွေးမှု ရှိခဲ့ကြောင်း အီရန် ပြောကြား
မေလ ၁၇ ရက်၊ ၂၀၂၆ ခုနှစ် | Burma Independent Voice အမေရိကန်၊ ကနေဒါနဲ့ မက္ကဆီကို နိုင်ငံတို့မှာ ကျင်းပမယ့် ၂၀၂၆ ကမ္ဘာ့ဖလားပြိုင်ပွဲမှာ အီရန်အသင်း ပါဝင်ယှဉ်ပြိုင်နိုင်ရေး သေချာစေဖို့အတွက် အစ္စတန်ဘူလ်မြို့မှာ အီရန်ဘောလုံးအဖွဲ့ချုပ်နဲ့ စနေနေ့က ပြုလုပ်ခဲ့တဲ့ ဆွေးနွေးပွဲဟာ “ အလွန်ကောင်းမွန်ပြီး အပြုသဘောဆောင်တယ်” လို့ ကမ္ဘာ့ဘောလုံးအဖွဲ့ချုပ် (FIFA) ရဲ့ အထွေထွေအတွင်းရေးမှူးချုပ် မက်သီးယပ်စ် ဂရပ်ဖ်စထရွန် က ပြောဆိုလိုက်ပါတယ်။ လက်ရှိ အရှေ့အလယ်ပိုင်းဒေသမှာ စစ်ပွဲတွေ ဖြစ်ပွားနေပေမဲ့လည်း အီရန်အသင်းဟာ အမေရိကန်နိုင်ငံမှာပဲ စခန်းသွင်းလေ့ကျင့်သွားမှာဖြစ်ပြီး အုပ်စုပွဲစဉ် ၃ ပွဲလုံးကိုလည်း အမေရိကန်မှာပဲ ယှဉ်ပြိုင်ကစားဖို့ စီစဉ်ထားတာ ဖြစ်ပါတယ်။ “ ကျွန်တော်တို့ အီရန်ဘောလုံးအဖွဲ့ချုပ်နဲ့အတူ အလွန်ကောင်းမွန်ပြီး အပြုသဘောဆောင်တဲ့…
-
ချဲလ်ဆီးအသင်းက ဇာဗီ အလွန်ဆို ကို ၄ နှစ်စာချုပ်နဲ့ နည်းပြသစ်အဖြစ် ခန့်အပ်
မေလ ၁၇ ရက်၊ ၂၀၂၆ ခုနှစ် | Burma Independent Voice လန်ဒန်အခြေစိုက် ချဲလ်ဆီးအသင်းဟာ အသင်းရဲ့ ကံကြမ္မာကို အလှည့်အပြောင်းလုပ်ပေးဖို့အတွက် စပိန်လူမျိုးနည်းပြ ဇာဗီ အလွန်ဆို ) ကို ၄ နှစ်စာချုပ်နဲ့ နည်းပြသစ်အဖြစ် ဒီနေ့တနင်္ဂနွေနေ့မှာ ခန့်အပ်လိုက်ပါတယ်။ The Blues တို့ဟာ ပြီးခဲ့တဲ့ မနေ့က ကစားခဲ့တဲ့ FA ဖလား ဗိုလ်လုပွဲမှာ မန်ချက်စတာစီးတီးအသင်းကို ရှုံးနိမ့်ခဲ့သလို၊ ရာသီကုန်ဖို့ ၂ ပွဲအလို ပရီးမီးယားလိဂ်မှာလည်း အဆင့် ၉ နေရာမှာပဲ ရောက်ရှိနေတာ ဖြစ်ပါတယ်။ အလွန်ဆို ဟာ ၂၀၂၃/၂၄ ရာသီတုန်းက လေဗာကူဆင်အသင်းကို ဂျာမနီလိဂ်နဲ့ ပြည်တွင်းဖလားတို့မှာ ရှုံးပွဲမရှိ အောင်ပွဲရအောင် လမ်းပြပေးနိုင်ခဲ့တာကြောင့် ဥရောပရဲ့…
-
တရုတ်နိုင်ငံနဲ့ ဆက်ဆံရေးကို ကြီးကြပ်ဖို့ အီရန်ရဲ့ ထိပ်တန်းညှိနှိုင်းရေးမှူး ဂါလီဘတ်ဖ် ကို ခန့်အပ်ကြောင်း မီဒီယာတွေ ဖော်ပြ
မေလ ၁၇ ရက်၊ ၂၀၂၆ ခုနှစ် | Burma Independent Voice အမေရိကန်နဲ့ ပြုလုပ်ခဲ့တဲ့ ဆွေးနွေးပွဲတွေမှာ ထိပ်တန်းညှိနှိုင်းရေးမှူးအဖြစ် မကြာသေးခင်ကမှ ပေါ်ထွက်လာခဲ့တဲ့ အီရန်လွှတ်တော်ဥက္ကဋ္ဌ မိုဟာမက် ဘာဂါ ဂါလီဘတ်ဖ် ကို တရုတ်နိုင်ငံနဲ့ ဆက်ဆံရေးဆိုင်ရာ ကိစ္စရပ်တွေကို ကြီးကြပ်ဖို့ ခန့်အပ်လိုက်ကြောင်း အီရန်မီဒီယာတွေက တနင်္ဂနွေနေ့မှာ ဖော်ပြလိုက်ပါတယ်။ အီရန်ရဲ့ တက်စ်နင်း သတင်းအေဂျင်စီက ခိုင်လုံတဲ့ သတင်းအရင်းအမြစ်တွေကို ကိုးကားပြီး “ မိုဟာမက် ဘာဂါ ဂါလီဘတ်ဖ် ကို တရုတ်နိုင်ငံဆိုင်ရာ အီရန်အစ္စလာမ္မစ်သမ္မတနိုင်ငံရဲ့ အထူးကိုယ်စားလှယ်အဖြစ် မကြာသေးခင်ကပဲ ခန့်အပ်လိုက်ပါတယ်” လို့ ဖော်ပြခဲ့သလို အခြားပြည်တွင်း မီဒီယာတွေမှာလည်း ဒီသတင်းကို ဆက်တိုက်ဖော်ပြနေကြတာ ဖြစ်ပါတယ်။ ဂါလီဘတ်ဖ် ကို အခုလို ရာထူးခန့်အပ်လိုက်တာဟာ…
-
ယူကရိန်းက ရုရှားနိုင်ငံထဲကို ဒရုန်းအစင်းရေ ၅၀၀ ကျော်နဲ့ တိုက်ခိုက်၊ မော်စကိုမှာ လူ ၃ ဦး သေဆုံးကြောင်း ရုရှားဘက်ကပြော
မေလ ၁၇ ရက်၊ ၂၀၂၆ ခုနှစ် | Burma Independent Voice ယူကရိန်းဘက်ကနေ ဒရုန်းအစင်းရေ ၅၀၀ ကျော်ပါဝင်တဲ့ အကြီးအကျယ် ဗုံးကြဲတိုက်ခိုက်မှုတစ်ခုကို ပြီးခဲ့တဲ့ ညပိုင်းက ရုရှားနိုင်ငံထဲဆီ ပြုလုပ်ခဲ့တာကြောင့် မော်စကိုဒေသတွင်းမှာ လူ ၃ ဦး သေဆုံးသွားခဲ့ကြောင်း ရုရှားအာဏာပိုင်တွေက တနင်္ဂနွေနေ့မှာ ပြောကြားလိုက်ပါတယ်။ မော်စကိုအပါအဝင် ဒေသပေါင်း တစ်ဒါဇင်ကျော်ဆီ ဦးတည်လာတဲ့ ယူကရိန်းဒရုန်း ၅၅၆ စင်းကို လေကြောင်းရန်ကာကွယ်ရေး စနစ်တွေကနေ ပစ်ချနိုင်ခဲ့တယ်လို့ ရုရှားကာကွယ်ရေးဝန်ကြီးဌာနက ဆိုပါတယ်။ မော်စကိုဒေသ အုပ်ချုပ်ရေးမှူး အန်ဒရီ ဗိုရိုဗျော့ဗ် ကတော့ “ ဒရုန်းတစ်စင်းဟာ လူနေအိမ်တစ်လုံးပေါ်ကို ကျရောက်ပေါက်ကွဲခဲ့တာကြောင့် အမျိုးသမီးတစ်ဦး သေဆုံးသွားခဲ့ပြီး နောက်ထပ်လူတစ်ဦးကတော့ အပျက်အစီးတွေအောက်မှာ ပိတ်မိနေပါတယ်။ မနက်အစောပိုင်း တိုက်ခိုက်မှုကြောင့်…
-
ဘန်ကောက်မြို့က လူသေဆုံးမှုဖြစ်ပွားခဲ့တဲ့ ရထားလမ်းကူးမတော်တဆမှုမှာ ဘတ်စ်ကားဒရိုင်ဘာနဲ့ ရထားမောင်းသူနှစ်ဦးလုံးကို အမှုဖွင့်အရေးယူ
မေလ ၁၇ ရက်၊ ၂၀၂၆ ခုနှစ် | Burma Independent Voice ပြီးခဲ့တဲ့ စနေနေ့မွန်းလွဲပိုင်းက လူသေဆုံးမှုဖြစ်ပွားခဲ့တဲ့ ရထားနဲ့ ဘတ်စ်ကားတိုက်မိမှု ဖြစ်စဉ်မှာ ပါဝင်ပတ်သက်နေတဲ့ ဘတ်စ်ကားဒရိုင်ဘာရော၊ ကုန်တင်ရထားမောင်းသူကိုပါ လူသေဆုံးစေမှု ဖြစ်စေတဲ့ “ ပေါ့ဆစွာ မောင်းနှင်မှု” နဲ့ ဘန်ကောက်ရဲတပ်ဖွဲ့က အမှုဖွင့် အရေးယူလိုက်ပါတယ်။ အမှုဖွင့်ခံရသူတွေကတော့ လိုင်းနံပါတ် ၂၀၆ ဘတ်စ်ကားမောင်းသူ အသက် ၄၆ နှစ်အရွယ် စယွန်ပွန် ဆွန်ကူ နဲ့ လာမ်ချာဘန်း-ဘန်ဆူး ကုန်တင်ရထားအမှတ် ၂၁၂၆ ကို မောင်းနှင်သူ အသက် ၅၆ နှစ်အရွယ် လာပစ် သောင်ဘွန် တို့ ဖြစ်ပါတယ်။ အဆိုပါ တိုက်မိမှုဟာ စနေနေ့မွန်းလွဲ ၃ နာရီ ၄၁…
-
ကွန်ဂိုနှင့် ယူဂန်ဒါနိုင်ငံတို့တွင် လူ ၈၀ ကျော် သေဆုံးပြီးနောက် အီဘိုလာဗိုင်းရပ်စ် ကူးစက်ပြန့်ပွားမှုကို ကမ္ဘာလုံးဆိုင်ရာ အရေးပေါ်အခြေအနေအဖြစ် WHO ကြေညာ
မေလ ၁၇ ရက်၊ ၂၀၂၆ ခုနှစ် | Burma Independent Voice ဒီမိုကရက်တစ်သမ္မတနိုင်ငံ ကွန်ဂို (DRC) နှင့် ယူဂန်ဒါနိုင်ငံတို့တွင် ဖြစ်ပွားနေသည့် အီဘိုလာ ဗိုင်းရပ်စ် ကူးစက်ပြန့်ပွားမှုကို “ နိုင်ငံတကာအဆင့် အများပြည်သူကျန်းမာရေး အရေးပေါ်အခြေအနေ” (PHEIC) အဖြစ် ကမ္ဘာ့ကျန်းမာရေးအဖွဲ့ WHO က ဒီနေ့တနင်္ဂနွေနေ့တွင် ကြေညာလိုက်ပြီး အိမ်နီးချင်းနိုင်ငံများအတွက်ပါ စိုးရိမ်ရသည့် အခြေအနေဖြစ်ကြောင်း သတိပေးလိုက်ပါတယ်။ ကမ္ဘာ့ကျန်းမာရေးအဖွဲ့ WHO ၏ အဆိုအရ ဘွန်ဒီဘူဂျို ဗိုင်းရပ်စ်အမျိုးအစားကြောင့် ဖြစ်ပွားရသည့် ယခုကူးစက်မှုသည် ကမ္ဘာလုံးဆိုင်ရာ ကပ်ရောဂါကြီး အသွင်မျိုး မဟုတ်သေးသော်လည်း ကွန်ဂိုနိုင်ငံနှင့် ကုန်းမြေချင်း ထိစပ်နေသည့် အိမ်နီးချင်းနိုင်ငံများတွင် ထပ်မံပြန့်ပွားရန် အန္တရာယ်အလွန်မြင့်မားနေကြောင်း သိရပါတယ်။ ပြီးခဲ့သည့် စနေနေ့အထိ ရရှိထားသည့်…
Latest News
About the Author
AF themes
Search the Archives
Access over the years of investigative journalism and breaking reports
You May Have Missed
