-
သမ္မတဦးဝင်းမြင့်နဲ့ ဒေါ်အောင်ဆန်းစုကြည်ကို ပြည်သူ့ရွေးကောက်ခံ ခေါင်းဆောင်တွေအဖြစ် ဆက်လက်အသိအမှတ်ပြုတယ်လို့ NUG ထုတ်ပြန်
ဧပြီ ၁၈ ရက်၊ ၂၀၂၆ ခုနှစ် | Burma Independent Voice နိုင်ငံတော်သမ္မတ ဦးဝင်းမြင့် အပါအဝင် နိုင်ငံရေးအကျဉ်းသားအချို့ မိသားစုနဲ့ ပြန်လည်ဆုံဆည်းခွင့်ရတာဟာ ပြည်သူလူထုရဲ့ တော်လှန်ရေးအောင်ပွဲ အစိတ်အပိုင်း တရပ်ဖြစ်သလို၊ သမ္မတဦးဝင်းမြင့်နဲ့ ဒေါ်အောင်ဆန်းစုကြည်တို့ကို ပြည်သူ့ရွေးကောက်ခံ ခေါင်းဆောင်တွေအဖြစ် ဆက်လက်အသိအမှတ်ပြုထားတယ်လို့ အမျိုးသားညီညွတ်ရေးအစိုးရ (NUG) က ဒီကနေ့ ဧပြီလ ၁၈ ရက်နေ့မှာ သဘောထား ထုတ်ပြန်ပါတယ်။ NUG အနေနဲ့ ၂၀၂၀ ရွေးကောက်ပွဲရလဒ်ကို ဆက်လက်ကိုင်စွဲထားသလို၊ နိုင်ငံတော်သမ္မတ ဦးဝင်းမြင့်နဲ့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ကိုလည်း ပြည်သူ့ရွေးကောက်ခံ နိုင်ငံတော်သမ္မတနဲ့ အတိုင်ပင်ခံပုဂ္ဂိုလ်အဖြစ် အခိုင်အမာ အသိအမှတ်ပြုထားတယ်လို့ ဆိုပါတယ်။ “နွေဦးတော်လှန်ရေး၏ အန္တိမပန်းတိုင်သည် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအဝင်…
-
၂၀၂၅ ခုနှစ်အတွင်း ရိုဟင်ဂျာဒုက္ခသည် ၉၀၀ နီးပါး ပင်လယ်ပြင်မှာသေဆုံးပျောက်ဆုံးခဲ့ရပြီး သမိုင်းတလျှောက် အဆိုးရွားဆုံးဖြစ်တယ်လို့UNHCR ပြော
ဧပြီ ၁၇ ရက်၊ ၂၀၂၆ ခုနှစ် | Burma Independent Voice ပြီးခဲ့တဲ့ ၂၀၂၅ ခုနှစ်အတွင်း ဘင်္ဂလားပင်လယ်အော်နဲ့ အန်ဒမန်ပင်လယ်ပြင်ကို ဖြတ်ကျော်ဖို့ ကြိုးပမ်းခဲ့ကြတဲ့ ရိုဟင်ဂျာဒုက္ခသည် ၉၀၀ နီးပါးဟာ သေဆုံးတာ ဒါမှမဟုတ် ပျောက်ဆုံးခဲ့ရတယ်လို့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) က ထုတ်ပြန်ပါတယ်။ ဒါဟာ အာရှဒေသတွင်း ရေကြောင်းခရီးစဉ်များတွင် သေဆုံးမှု အမြင့်မားဆုံး စံချိန်တင်နှစ် ဖြစ်လာခဲ့တယ်လို့လည်း UNHCR က ဧပြီလ ၁၇ ရက်နေ့မှာ ထုတ်ပြန်ချက်မှာ ဖေါ်ပြထားပါတယ်။ ဂျီနီဗာမြို့မှာ ပြုလုပ်ခဲ့တဲ့ သတင်းစာရှင်းလင်းပွဲအတွင်း UNHCR ပြောရေးဆိုခွင့်ရှိသူ Babar Baloch က အဲ့ဒီ ပင်လယ်ပြင်တွေဟာ ခိုကိုးရာမဲ့ အားငယ်နေရတဲ့ ရိုဟင်ဂျာ…
-
ဦးဝင်းမြင့်ကို မြန်မာနိုင်ငံရဲ့ တရားဝင်သမ္မတအဖြစ် အသိအမှတ်ပြုထားဆဲဖြစ်တယ်လို့ NUCC ထုတ်ပြန်
ဧပြီ ၁၇ ရက်၊ ၂၀၂၆ ခုနှစ် | Burma Independent Voice အာဏာသိမ်းစစ်တပ်ရဲ့ မတရားဖမ်းဆီးထောင်ချခံထားရတာကနေ ပြန်လွတ်မြောက်လာတဲ့ သမ္မတဦးဝင်းမြင့်ကို မြန်မာနိုင်ငံရဲ့ သမ္မတအဖြစ် ဆက်လက် အသိအမှတ်ပြုထားဆဲဖြစ်တယ်လို့ အမျိုးသားညီညွတ်ရေးအတိုင်ပင်ခံကောင်စီ (NUCC) က ထုတ်ပြန်ပါတယ်။ နိုင်ငံတော်သမ္မတ ဦးဝင်းမြင့်ဟာ ပြည်သူလူထုက ဒီမိုကရေစီနည်းလမ်းကျ အပ်နှင်းထားတဲ့ တာဝန်တွေကို ထမ်းဆောင်နေစဉ်မှာ အကြမ်းဖက်စစ်အုပ်စုက ၂၀၀၈ ဖွဲ့စည်းပုံအခြေခံဥပဒေကို ချိုးဖောက်ပြီး နိုင်ငံတော်ပုန်ကန်မှုကျူးလွန်ကာ မတရားဖမ်းဆီးချုပ်နှောင်ခဲ့တာဖြစ်တယ်လို့ NUCC က ဆိုပါတယ်။ “ ယနေ့ မြန်မာနှစ်ဆန်းတစ်ရက်နေ့မှာ နိုင်ငံတော်သမ္မတ ဦးဝင်းမြင့်အနေနဲ့ ကျန်းမာစွာဖြင့် မိသားစုနဲ့ ပြန်လည်ဆုံဆည်းရတာကို NUCC အနေနဲ့ ပြည်သူလူထုနဲ့ထပ်တူ များစွာဝမ်းမြောက်ရပါတယ်။ နိုင်ငံတော်သမ္မတ ဦးဝင်းမြင့်ကို မြန်မာနိုင်ငံရဲ့ သမ္မတဖြစ်တယ်လို့ အမျိုးသားညီညွတ်ရေးအတိုင်ပင်ခံကောင်စီက တရားဝင်…
-
မတရားဖမ်းဆီးထောင်ချခံထားရတဲ့ သမ္မတ ဦးဝင်းမြင့် ပြန်လွတ်
စစ်အာဏာသိမ်းချိန်မှာ မတရားဖမ်းဆီးထောင်ချခံထားရတဲ့ သမ္မတ ဦးဝင်းမြင့် ဒီကနေ့ ဧပြီလ ၁၇ ရက်နေ့မှာ ပြန်လည်လွတ်မြောက်လာပြီဖြစ်တယ်လို့ စစ်တပ်ဝါဒဖြန့် မီဒီယာတွေမှာ ဖေါ်ပြလာပါတယ်။ အာဏာသိမ်း စစ်ခေါင်းဆောင် မင်းအောင်လှိုင်က ဖမ်းဆီးထောင်ချထားတဲ့ အကျဉ်းသား/သူ ၄၃၅၅ ဦးကို ပြန်လွှတ်ပေးရာမှာ နိုင်ငံတော်သမ္မတ ဦးဝင်းမြင့်လည်း ပါဝင်လာတာဖြစ်ပါတယ်။ သမ္မတ ဦးဝင်းမြင့်ဟာ စစ်အာဏာသိမ်းချိန်မှာ သမ္မတ အဖြစ်ကနေ နုတ်ထွက်ကြောင်း စစ်တပ်က အတင်းအဓမ္မ လက်မှတ်ထိုးခိုင်းခဲ့ပေမယ့် ပြည်သူလူထုက ပေးအပ်ထားတဲ့ သမ္မတ တာဝန်ကို မစွန့်လွှတ်ခဲ့ဘဲဖမ်းဆီးထောင်ချတာကိုသာ ခံခဲ့သူပါတယ်။ အခုချိန်မှာတော့ သမ္မတဦးဝင်းမြင့်ဟာ နေအိမ်ကို ပြန်လည်ရောက်ရှိပြီး မိသားစုဆုံဆည်းနေပြီဖြစ်တယ်လို့ ဓါတ်ပုံတွေအရ သိရပါတယ်။
-
ရိုဟင်ဂျာဒုက္ခသည်လှေ နစ်မြုပ်မှုဟာ နိုင်ငံတကာရဲ့ ပျက်ကွက်မှုကြောင့်ဖြစ်တယ်လို့ အာရကန်ရိုဟင်ဂျာအမျိုးသားကောင်စီ ပြော
ဧပြီ ၁၆ ရက်၊ ၂၀၂၆ ခုနှစ် | Burma Independent Voice အန်ဒမန်ပင်လယ်ပြင်အတွင်း ရိုဟင်ဂျာဒုက္ခသည် ၂၅၀ ကျော် လိုက်ပါလာတဲ့ လှေတစီး နစ်မြုပ်ခဲ့ရမှုအပေါ် အာရကန်ရိုဟင်ဂျာအမျိုးသားကောင်စီ (ARNC) က စိတ်မကောင်းဖြစ်ရကြောင်းနဲ့ ဒါဟာ နိုင်ငံတကာအသိုက်အဝန်းရဲ့ ပျက်ကွက်မှုကြောင့် ဖြစ်တယ်လို့ သဘောထား ထုတ်ပြန်လိုက်ပါတယ်။ “ ဒီ ဖြစ်ရပ်ဆိုးက နှစ်ရှည်လများ ဖိနှိပ်မှုနဲ့ အိုးအိမ်စွန့်ခွာထွက်ပြေးမှုတွေကို ခံစားနေရတဲ့ ရိုဟင်ဂျာလူထုကို ပိုမိုထိခိုက်စေခဲ့တယ်လို့ ထုတ်ပြန်ချက်မှာ ရေးသားထားပါတယ်။ ဒီခရီးစဉ်တွေက ရွေးချယ်စရာမရှိဘဲ မျှော်လင့်ချက်ကင်းမဲ့မှုကြောင့် သေဘေးကို ရင်ဆိုင်ပြီး သွားကြရခြင်းဖြစ်တယ်လို့လည်း ဆိုထားပါတယ်။ နိုင်ငံတကာ အသိုက်အဝန်းအနေနဲ့ မြန်မာစစ်ခေါင်းဆောင် မင်းအောင်လှိုင်နဲ့ တာဝန်ရှိသူတွေအပေါ် ဖိအားပေးဖို့ ပျက်ကွက်နေတာကြောင့် ရိုဟင်ဂျာတွေအပေါ် ကျူးလွန်တဲ့ ရာဇဝတ်မှုတွေ ဆက်လက်ဖြစ်ပွားနေတာကြောင့်…
-
PSLF/TNLA က မင်းအောင်လှိုင်ကို ဂုဏ်ပြုသဝဏ်လွှာပို့မှုကိုတအောင်းအရပ်ဖက်အဖွဲ့စည်းတွေကန့်ကွက်
ဧပြီ ၁၆ ရက်၊ ၂၀၂၆ ခုနှစ် | Burma Independent Voice PSLF/TNLA အနေနဲ့ အကြမ်းဖက် မင်းအောင်လှိုင်ထံ ဂုဏ်ပြုသဝဏ်လွှာ ပေးပို့ခြင်းက တအာင်းအရပ်ဘက်အဖွဲ့အစည်းများကွန်ယက် – TCSN နဲ့ တအာင်းပြည်သူလူထုတို့ရဲ့ နိုင်ငံရေးမျှော်မှန်းချက်၊ ရပ်တည်ချက်တွေနဲ့ လုံးဝဆန့်ကျင်နေတယ်လို့ TCSN က ဒီကနေ့ ဧပြီလ ၁၆ ရက်နေ့မှာ သဘောထားကြေညာချက် ထုတ်ပြန်လိုက်ပါတယ်။ “ လက်ရှိ PSLF/TNLA ခေါင်းဆောင်များမှ ရင်ဆိုင်နေရသော စစ်ရေး၊ နိုင်ငံရေးအကျပ်အတည်းများကို ကိုယ်ချင်းစာ နားလည်ပေးနိုင်သော်လည်း အကြမ်းဖက်ခေါင်းဆောင်မင်းအောင်လှိုင်အား ဂုဏ်ပြုသဝဏ်လွှာ ပေးပို့ခြင်းသည် PSLF/TNLA ၏ အခြေအနေအရ နိုင်ငံရေးရပ်တည်ချက်သာဖြစ်ပြီး TCSN နှင့် ပြည်သူများ၏ နိုင်ငံရေးရပ်တည်ချက်မဟုတ်ကြောင်း အသိပေးပြောကြားလိုပါသည်။ ” လို့ TCSN…
-
အတိုင်ပင်ခံ ဒေါ်အောင်ဆန်းစုကြည်နဲ့ သမ္မတ ဦးဝင်းမြင့်ကို ချွင်းချက်မရှိ ချက်ခြင်းလွှတ်ပေးဖို့ NUG ပြော
ဧပြီ ၁၆ ရက်၊ ၂၀၂၆ ခုနှစ် | Burma Independent Voice နိုင်ငံတော် အတိုင်ပင်ခံ ဒေါ်အောင်ဆန်းစုကြည်နဲ့ သမ္မတ ဦးဝင်းမြင့်ကို ချွင်းချက်မရှိ ချက်ခြင်းလွှတ်ပေးဖို့ အမျိုးသားညီညွတ်ရေးအစိုးရ ယာယီသမ္မတ ဒူဝါလရှီးလက NUG ဖွဲ့စည်းမှု ၅ နှစ်ပြည့် မိန့်ခွန်းမှာ ထည့်သွင်းပြောပါတယ်။ “ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ နိုင်ငံတော်သမ္မတကြီး ဦးဝင်းမြင့် နဲ့တကွ မတရားဖမ်းဆီး ထိန်းသိမ်းခံထားရတဲ့ နိုင်ငံရေးအကျဉ်းသားအားလုံးရဲ့ အခြေအနေကို တစ်မိနစ်တစ်စက္ကန့်မျှ မေ့လျော့ခြင်းမရှိကြောင်း အလေးအနက်ပြောကြားလိုပါ တယ်။ စစ်အုပ်စုဟာ ကျွန်တော်တို့ရဲ့ ခေါင်းဆောင်တွေကို မတရားပုဒ်မတွေတပ်ပြီး ချုပ်နှောင် ထားနိုင်ပေမဲ့ သူတို့ရဲ့ စိတ်ဓာတ်နဲ့ ပြည်သူ့အပေါ်ထားတဲ့ မေတ္တာတွေကိုတော့ ဘယ်တော့မှ ပိတ်လှောင်ထားနိုင်မှာမဟုတ်ပါဘူး။ ကျွန်တော်တို့ရဲ့ ခေါင်းဆောင်ကြီးများနဲ့တကွ နွေဦးတော်လှန် ရေးအတွင်း…
-
အာဏာသိမ်းစစ်တပ်ကို အပြီးတိုင်း တော်လှန်သွားမယ်ဆိုတဲ့ PSLF/TNLA က စစ်တပ်ရဲ့အမည်ပြောင်းအစိုးရကို ကြိုဆိုကြောင်းပြောလာ
ဧပြီ ၁၅ ရက်၊ ၂၀၂၆ ခုနှစ် | Burma Independent Voice အာဏာသိမ်းစစ်ခေါင်းဆောင် မင်းအောင်လှိုင် ဦးဆောင်တဲ့ စစ်တပ်ရဲ့ အမည်ပြောင်းအစိုးရကို ကြိုဆိုတယ်လို့ ပလောင်ပြည်နယ်လွတ်မြောက်ရေးတပ်ဦး (PSLF/TNLA) က ဒီကနေ့ ဧပြီလ ၁၅ ရက်နေ့မှာ ထုတ်ပြန်ချက်ထုတ်ပြီးပြောဆိုလိုက်ပါတယ်။ အဲ့ဒီ ထုတ်ပြန်ချက်အတွင်း တရုတ်နိုင်ငံရဲ့ ကြားဝင်စေ့စပ်မှုနဲ့ (၉) ကြိမ်မြောက် ဆွေးနွေးပွဲမှာ ရရှိခဲ့တဲ့ အပစ်အခတ်ရပ်စဲရေး ကတိကဝတ်တွေကို PSLF/TNLA အနေနဲ့ ဆက်လက်ထိန်းသိမ်း လိုက်နာသွားမယ်လို့ထည့်သွင်းပြောဆိုထားသလို နိုင်ငံရေးပြဿနာတွေကို လက်နက်ကိုင်နည်းလမ်းထက် နိုင်ငံရေးနည်းလမ်းဖြင့် ငြိမ်းချမ်းစွာ ဆွေးနွေးအဖြေရှာနိုင်ဖို့အတွက် အရပ်သားအစိုးရသစ်နဲ့အတူ လက်တွဲဆောင်ရွက်သွားဖို့ အသင့်ရှိတယ်လို့လည်း ဆိုထားပါတယ်။ လို့ ပလောင်ပြည်နယ်လွတ်မြောက်ရေးတပ်ဦး (PSLF/TNLA) ဟာ ၂၀၂၃ ခုနှစ် အောက်တိုဘာလ ၂၇ ရက်နေ့မှာ…
-
မြောက်ဥက္ကလာပမှာ လျှပ်စစ်မီး အဆမတန် ဖြတ်တောက်ခံနေရမှုကြောင့် ပြည်သူများ စိတ်ပျက်ဒေါသထွက်နေ၊ တရားဝင်ထုတ်ပြန်ချိန်ထက် ပိုမိုဖြတ်တောက်နေဟုဆို
ဧပြီ ၁၂ ရက် | Burma Independent Voice ရန်ကုန်တိုင်းဒေသကြီး၊ မြောက်ဥက္ကလာပမြို့နယ်အတွင်းမှာ လျှပ်စစ်မီးတွေကို ကြေညာထားတဲ့ အချိန်ထက် ပိုမိုဖြတ်တောက်နေတာကြောင့် ဒေသခံပြည်သူတွေ အဆင်မပြေမှုတွေနဲ့ ရင်ဆိုင်နေရပြီး စိတ်ပျက်ဒေါသထွက်နေကြတယ်လို့ သိရပါတယ်။ မြောက်ဥက္ကလာပ EPC ဘက်က ဧပြီလ ၁၁ ရက်နဲ့ ၁၂ ရက်နေ့တွေမှာ မနက် ၆ နာရီကနေ ညနေ ၆ နာရီအထိ အရေးပေါ်ပြုပြင်ထိန်းသိမ်းရေးလုပ်ငန်းတွေကြောင့် မီးဖြတ်မယ်လို့ တရားဝင် အသိပေးပန်ကြားထားပေမဲ့ လက်တွေ့မှာတော့ ညဘက်တွေမှာပါ မီးမလာတာ၊ လာရမယ့်အချိန်မှာ မလာတာမျိုးတွေ ဖြစ်နေတယ်လို့ ဒေသခံတွေက ဆိုပါတယ်။ “ တခြားမြို့နယ်တွေမှာ ည ၉ နာရီကနေ ၁ နာရီအထိ မီးမှန်နေပေမဲ့ ကျွန်တော်တို့ မြောက်ဥက္ကလာမှာတော့ အမြဲလိုလို…
-
ရခိုင်ပြည်လွတ်မြောက်ရေး ၂၀၂၇ မကုန်ခင်မှာ မြို့အားလုံးသိမ်းမယ်လို့ အေအေခေါင်းဆောင်ပြော
ဧပြီလ ၁၁ ရက်၊ ၂၀၂၆ ခုနှစ် | Burma Independent Voice ရခိုင်ပြည်နယ်တခုလုံးလွတ်မြောက်ရေးအတွက် ၂၀၂၆ နဲ့ ၂၀၂၇ ခုနှစ် မကုန်ခင်မှာ မြို့အားလုံးကို သိမ်းပိုက်နိုင်ရေးဆိုတဲ့ ယုံကြည်ချက်နဲ့ တိုက်ပွဲဝင်သွားကြမယ်လို့ အာရက္ခတပ်တော် (AA)တပ်မှူးချုပ် ဗိုလ်ချုပ်ထွန်းမြတ်နိုင်က အာရက္ခတပ်တော် (AA) တည်ထောင်တဲ့ ၁၇ နှစ်ပြည့် သဝဏ်လွှာမှာ ထည့်သွင်းပြောပါတယ်။ လက်ကျန်အဆုံးအဖြတ်တိုက်ပွဲတွေကို ၂၀၂၆ နဲ့ ၂၀၂၇ မကုန်ခင်မှာ လက်စသိမ်းအောင်ပွဲခံနိုင်ဖို့ ယုံကြည်ချက်နဲ့ ဆက်လက် လုပ်ဆောင်သွားဖြစ်သလို၊ အဲ့ဒီကာလအထိရောက်လို့ မဖြစ်နိုင်သေးဘူးဆိုရင်လည်း မိုးအဆုံးမြေအဆုံးအထိ ဆက်လက်တိုက်ပွဲဝင်သွားမယ်လို့လည်း အေအေခေါင်းဆောင်က ပြောပါတယ်။ အကြမ်းဖက်စစ်တပ်ရဲ့ လေကြောင်းတိုက်ခိုက်မှုတွေကြောင့် သေဆုံးသွားရတဲ့ အပြစ်မဲ့ပြည်သူတွေရဲ့ အသက်တချောင်းစီအတွက် တရားမျှတမှုရရှိအောင်ကြိုးစားဖို့လည်း အေအေတပ်မှူးချုပ်က ထည့်သွင်းပြောဆိုခဲ့သလို၊ နိုင်ငံတကာတရားစီရင်ရေးထက် ပိုပြီးလက်တွေ့ကျတဲ့ ကိုယ့်အင်အားကို…
Latest News
About the Author
AF themes
Search the Archives
Access over the years of investigative journalism and breaking reports
You May Have Missed
